पोखरा,७ मंसिर । नापी पेशामा आवद्ध पेशाकर्मीहरुको हकहित तथा अधिकारको स्थापना तथा सामाजिक कार्यको उद्धेश्य सहित कास्कीका जग्गा नापीको क्षेत्रमा कार्यरतहरु संगठित भएका छन् ।
नापीकर्मीहरुको आज पोखरामा भएको प्रथम साधारणसभा तथा अधिवेशनले गंगालाल पोखरेलको अध्यक्षतामा सर्भेयर्स सोसाइटी कास्कीको नेतृत्व सर्वसम्मत चयन गरेको छ । १३ सदस्सीय सोसाइटीको उपाध्यक्षमा विष्णुप्रसाद भण्डारी, सविच इन्जिनियर दिनेश लामिछाने तथा कोषाध्यक्ष ऋषि थापा छन् ।
सदस्यहरुमा कृष्णप्रसाद आचार्य, ई.विशाल थापा, ई.लक्ष्मीदेवी थापा, ई.शोभा आचार्य, झलकनाथ गौतम, बसन्तकेशव भण्डारी,शिवशोभा खड्का, गोपीलाल भट्टराई र दिवाकर सुवेदी रहेका छन् ।
अधिवेशनका प्रमुख अतिथि नेपाल सरकारका पूर्व सचिव बाबुराम आचार्यले पेशागत हकहित तथा पेशाको विकासका लागि समान दायित्व बोकेका पेशाकर्मीहरु संगठित हुनु आवश्यक रहेकोमा जोड दिए । कार्यक्रममा पूर्वन्यायाधीस लिप्तबहादुर थापा, नापी कार्यालय कास्कीका प्रमुख ई.खिमलाल गौतम लगायतले शुभकामना व्यक्त गरेका थिए ।
