अमेरिका । कोरोना भाइरसबाट सबैभन्दा बढी आक्रान्त बनेको विश्वकै शक्तिशाली देश अमेरिकामा करोडौ मानिस बेरोजगार भएका छन् ।
अमेरिकाको सबै राज्यमा फैलिएको भाइरस संक्रमणका कारण उद्योग प्रतिष्ठानहरु बन्द भएपछि करोडौ मानिस बेरोजगार भएका हुन् । अमेरिकी डिपार्टमेन्ट अफ लेबरका अनुसार पछिल्लो ७ हप्ताभित्र ३३.५ मिलियन अर्थात् ३ करोड ३५ लाख भन्दा बढी मानिसले बेरोजगारी भत्ताको लागि आवेदन दिइसकेका छन् । गत साता मात्रै ३५ लाख मानिसले बेरोजगार भत्ताको लागि आवेदन दिएको बताइएको छ ।
अमेरिकी डिपार्टमेन्ट अफ लेबरका अनुसार पछिल्लो ७ हप्ताभित्र ३३.५ मिलियन अर्थात् ३ करोड ३५ लाख भन्दा बढी मानिसले बेरोजगारी भत्ताको लागि आवेदन दिइसकेका छन् । गत साता मात्रै ३५ लाख मानिसले बेरोजगार भत्ताको लागि आवेदन दिएको बताइएको छ ।
संक्रमण रोकथामको लागि संघिय सरकारको नीति अनुसार सबै राज्यले जारी गरेको ‘स्टे होम अर्डर’का कारण काम छोडेर मानिसहरु घरभित्रै बसिरहेका छन् । अधिकांश ब्यापारिक प्रतिष्ठान, उद्योग, करकारखाना बन्द छन् । कोरोनाको कारण बेरोजगार भएका मानिसका लागि सबै राज्यबाट राज्य सरकारले कामदारको पृष्ठभूमि र अन्य केहि मापदण्ड हेरेर नियमित बेरोजगार भत्ता उपलब्ध गराउने गर्छ । त्यस्तै राज्यबाट प्राप्त नियमित बेरोजगारी भत्ताका लागि योग्य भएका मानिसहरुले संघिय सरकारबाट पारित कोरोना राहत कोष अन्तर्गतको थप रकम समेत प्राप्त गर्छन् ।
कोरोनाको कारण बेरोजगार भएका मानिसका लागि सबै राज्यबाट राज्य सरकारले कामदारको पृष्ठभूमि र अन्य केहि मापदण्ड हेरेर नियमित बेरोजगार भत्ता उपलब्ध गराउने गर्छ । त्यस्तै राज्यबाट प्राप्त नियमित बेरोजगारी भत्ताका लागि योग्य भएका मानिसहरुले संघिय सरकारबाट पारित कोरोना राहत कोष अन्तर्गतको थप रकम समेत प्राप्त गर्छन् ।
राज्य सरकारबाट प्राप्त हुने रकम आवेदकको आय र कामको पृष्ठभूमि अनुसार फरक फरक हुन्छ भने संघिय सरकारबाट कोरोना राहत कोष अन्तर्गत आउने रकम सबैलाई समान अर्थात् प्रतिब्यक्ति प्रतिहप्ता ६ सय डलर उपलब्ध हुने गरेको छ । योग्य आवेदकले अन्तिम काम गरेको मिति देखि पुन काममा नजादा सम्म साप्ताहिक रुपमा राज्य र संघिय सरकार मार्फत बेरोजगारी भत्ता प्राप्त गरिरहन्छन् । राज्य सरकारबाट दिइने नियमित बेरोजगार भत्तामा अयोग्य भएकाले संघिय सरकारबाट प्रतिहप्ता प्राप्त गर्ने ६ सय डलरको लागि आवेदन दिन सक्ने ब्यवस्था समेत मिलाइएको छ ।
विश्वमै सबैभन्दा बढी संक्रमित र मानव मृत्यु भएको अमेरिकामा उद्योग ब्यवसाय पुन पहिल्यैको अबस्थामा सञ्चालन गर्ने गरि तयारी भैरहेको छ । सुरुवाती चरणमा आशिंक रुपमा ब्यापार, ब्यवसाय, उद्योग प्रतिष्ठान सञ्चालनको तयारी भैरहदा नयाँ थपिने संक्रमित संख्या र मृतक संख्या घट्न सकेको छैन । अमेरिकामा स्थानीय समय अनुसार विहिवार साझसम्म संक्रमित संख्या १२ लाख ९० हजार कटेको छ भने मृतक संख्या साढे ७६ हजार भन्दा बढी छ । यो समाचार तयार पर्दा सम्म करिब एक लाख ७० हजार संक्रमित निको भएका छन् ।
