काठमाडौँ ९ भदौ । पत्रकार सालिकराम पुडासैनी आत्महत्या प्रकरणमा पक्राउ परेका टेलिभिजन कार्यक्रम प्रस्तोता रवि लामिछाने ५ लाख धरौटीमा रिहा भएका छन् । त्यस्तै पत्रकार युवराज कँडेल ३ लाख धरौटी र अस्मिता कार्की साधारण तारेखमा छुटेकी छिन् । सोमवार चितवन जिल्ला अदालतमा भएको बहसपछि लामिछाने र कँडेललाई धरौटीमा छाड्न र कार्कीलाई साधारण तारेखमा रिहा गर्न आदेश जारी भएको हो ।
जिल्ला अदालत चितवनका न्यायधीश हेमन्त रावलको इजलासले सो आदेश दिएको हो । सरकारी वकिलको तर्फबाट गोपिलाल देवकोटा, राजकुमार श्रेष्ठ, स्वागत नेपाललगायत ८ जनाले बहस गरेका थिए भने प्रतिवादीको तर्फबाट सुशील पन्त, सुभाष पोखरेल र राजु थापा लगायतले बहस गरेका थिए ।
आत्महत्या गर्नुअघि पत्रकार पुडासैनीले रेकर्ड गराएको भिडियोको आधारमा चितवन प्रहरीले सञ्चारकर्मी लामिछानेसहित युवराज कँडेल र अस्मिता कार्कीलाई आत्महत्या दुरुत्साहनको मुद्दा दायर गरेको थियो । मुद्दामा अभियुक्तहरुसँग अदालतले आइतबार र सोमबार गरेर दुई दिनसम्म बयान लिएको थियो ।
पत्रकार सालिकराम पुडासैनी आत्महत्या प्रकरणमा पक्राउ परेका टेलिभिजन कार्यक्रम प्रस्तोता रवि लामिछाने ५ लाख, पत्रकार युवराज कँडेल ३ लाख र अस्मिता कार्कीलाई साधारण तारेखमा रिहा गर्न जिल्ला अदालत चितवनले आदेश दिएको छ ।
जिल्ला अदालतको फैसला अनुसार मुद्धाको पूर्ण किनारा नलागेसम्म लामिछानेले आफ्नो कार्यक्रम मार्फत यस घटनासँग सम्बन्धित रहेर आफ्नो धारणा राख्न र कुनैपनि सामाग्री प्रशारण गर्न पाउने छैनन् ।
आत्महत्या प्रकरणमा संलग्न भएको आरोपमा चितवन प्रहरी र काठमाडौँ प्रहरीको संयुक्त टोलीले सञ्चारकर्मी लामिछाने र कँडेललाई न्यूज २४ टेलिभिजनको कार्यालयबाट साउन ३० गते साँझ पक्राउ गरेर चितवन लगेको थियो । अर्की आरोपित अस्मिता कार्कीलाई भने साउन २९ गते नै प्रहरीले काठमाडौँको कलंकीबाट पक्राउ गरेको थियो । लामिछाने पक्राउ परेपछि उनका समर्थकहरुले दिनहुँ चितवनमा प्रदर्शन गरेका थिए ।
जिल्ला अदालतको फैसला अनुसार मुद्धाको पूर्ण किनारा नलागेसम्म लामिछानेले आफ्नो कार्यक्रम मार्फत यस घटनासँग सम्बन्धित रहेर आफ्नो धारणा राख्न र कुनैपनि सामाग्री प्रशारण गर्न पाउने छैनन् ।
पत्रकार पुडासैनी साउन २१ गते चितवनको एक होटलमा झुण्डिएको अवस्थामा फेला परेका थिए । केही समय अघिसम्म पुडासैनी सिधा कुरा जनतासँग कार्यक्रमको टिममा थिए ।
