पोखरा, २५
कास्कीको माछापुच्छ«े गाउँपालिका वडा नं ४ लाहाचोकमा रहेको वानेटाकुर धार्मिक क्षेत्र संरक्षण समितिको आयोजनामा माघ २२ गते देखी सुरु भएको महाशिवरात्री मेलामा शिवपुराण सुन्ने र दर्शन गर्ने श्रद्धालु भक्तजनहरुको भिड लागेको छ ।विहीवारसम्म ७ हजार जना भक्तजनले दर्शन गरेको आयोजकको भनाई छ ।
माघ २७ गते शनिवारदेखी रमाईलो मेला समेत सुरु हुँदै छ । मेलाको सम्पूर्ण तयारी पूरा भएको र पूर्व उपप्रधान तथा परराष्ट्रमन्त्री ईश्वर पोखरेलले मेलाको उद्घाटन गर्ने कार्यक्रम रहेको मेला संयोजक पानवहादुर जिसीले पिसपोखरा डटकमलाई जानकारी दिए । मेलामा रहेका सवै स्टलहरु वुकिङ् समेत भईसकेको छ ।
माछापुच्छ«े हिमालवाट महादेव र पार्वती सेती नदीमा शहर गर्दै सेती र लस्तीको दोभानमा उत्रिएर टाकुरामा आएर विऋाम गरेकोले सो ठाउँको नाम वानेटाकुर रहेको भन्ने विश्वास गरिदै आईएको छ । चट्टानै चट्टानको टाकुरामा आकर्षक मन्दिर कसरी वन्यो होला भन्ने कौतुहलता समेत सो ठाउँमा पुग्नेहरुलाई भएको पाईन्छ । महादेव पार्वतीले शयन गरको विश्वासले पातीखोला गुफा समेत अर्को आकर्षणको रुपमा रहेको छ ।
त्यस्तै माछापुच्छ«े ,३ घाचोकमा रहेको २२ धारा पनि आकर्षणको रुपमा रहेको छ । २२ धारामा स्नान गर्दा जुनसुकै पनि छाला सम्वन्धि रोगहरु ीनको हुने विश्वास गरिएको छ ।
ज्येष्ठ नागरिक बहुउद्देश्यीय भवन निर्माण गर्ने, सांस्कृतिक तथा धार्मिक स्थल जगेर्ना गर्ने, सांस्कृतिक र धार्मिक पर्यटनको विकास साथै व्यवसायिकता पछ्याउने उद्देश्यले मेला आयोजना गरिएको हो ।
