पोखरा,१४ मंसीर
वाम गठवन्धन निर्वाचन परिचालन कमिटि कास्की निर्वाचन क्षेत्र नं ३ प्रदेससभा निर्वाचन क्षेत्र नं १ को आयोजनामा माछापुछ्रे गाउँपालिका वडा नं ८ को खोराकोमुखमा शुक्रवार वृहत चुनावी सभा हुने भएको छ ।
सभालाई नेकपा एमालेका केन्द्रीय कमिटिका सचिव पृथ्वीसुव्वा गुरुङ तथा माओवादी केन्द्रका वरिष्ठ नेता देव गुरुङले सम्वोधन गर्ने चुनाव प्रचार प्रसार समितिका संयोजक दीपक पौडेलले जानकारी दिए ।
उक्त सभालाई दुवै पार्टीका केन्द्र तथा जिल्लास्तरिय नेताहरु तथा उम्मेदवारहरु जगत विक र रामजी वरालले पनि सम्वोधन गर्ने छन् । आसन्न मंसिर २१ गतेको निर्वाचन नजिकिएसँगै क्षेत्र नं ३ मा वाम गठवन्धनको पक्षमा माहोल ह्वात्तै वढेको छ । सभामा माछापुछ्रे गाउँपालिकाका ९ वटै वडाहरुवाट जनताहरु आउने र कार्यक्रमको तयारी पुरा भएको प्रचार प्रसार समितिका सदस्य मोहन दवाडीले वताए ।
वाम गठवन्धनको प्रदेश निर्वाचन परिचालन कमिटिले मंसिर १६ गते विहान पोखरा लेखनाथ महानगरपालिका वडानं १,२ र ३ को चुनावीसभा टुँडिखेलमा गर्ने भएको छ । सो सभालाई पनि पृथ्वी सुव्वा गुरुङ र देव गुरुङले सम्वोधन गर्ने भएका छन् ।
