काठमाडौं १० भदौ । राष्ट्रपति डा। रामवरण यादव र प्रधानमन्त्री सुशील कोइरालाबीच बिहीबार विहान भेटवार्ता भएको छ । राष्ट्रपतिलाई भेट्न प्रधानमन्त्री कोइराला वनमन्त्री महेश आचार्यलाई साथमा लिएर शीतल निवास पुगेका थिए ।
भेटमा प्रधानमन्त्री कोइरालाले संविधान निर्माण प्रक्रियामा असन्तुष्ट दलहरुको आन्दोलन र भइरहेको वार्ता प्रयासबारे ब्रिफिङ गरेका थिए ।
राष्ट्रपतिले वार्ताका लागि प्रधानमन्त्री र प्रमुख दलहरुले थालेको प्रयासको सरहाना गरेका छन् । ‘वार्ताका लागि प्रधानमन्त्रीले पत्रचार नै गर्नु भएको रहेछ । राष्ट्रपतिले वार्तावाटै समस्या समाधानको प्रयास गर्नुस् भन्नु भएको छ’ राष्ट्रपतिका प्रेस सल्लाहकार राजेन्द्र दाहालले भने ।
