गोकुल बानियाँ, पोखरा १४ पुस । पोखराको लेकसाईडमा जारी १६ औं सडक महोत्सबमा आज पनि बिभिन्न कार्यक्रम हुदैछन् । दिनमा बिभिन्न सास्कृतिक कार्यक्रम र साझ परेपछि लाईभ ब्याण्ड प्रस्तुती रहने आयोजक रेवान पोखराले जनाएको छ ।
महोत्सबको दोस्रो दिन आज साझ ७ बजेदखि राती १० बजेसम्म सविन राईको प्रस्तुती रहने रेवान पोखराका महासचिब लक्ष्मण बरालले जानकारी दिए । त्यस्तै दिनमा बसुन्धरा पार्क भित्र लोकदोहोरी गित र बद्री पंगेनीको प्रस्तुती रहेको छ ।
महोत्सब हुने क्षेत्र लेकसाईडको सडकबिचमा रहेका चौताराहरुमा बिभिन्न सास्कृति प्रस्तुती हुनेछन् । महोत्सब उद्घाटनको दिन हिजो दर्शकको उपस्थिति उत्साहजनक रहेको आयोजकको दाबि छ ।
फिस्टेल गेट देखि खहरेसम्म झण्डै तीन किलोमिटर क्षेत्रमा आयोजित महोत्सबमा बसुन्धरा पार्क भित्र र बाहिर सडकमा गरी करिब तीन सय स्टल छन् । सडकमै रेष्टुरेण्टको स्टल राखिएको छ । लेकसाईड क्षेत्रमा पर्यटकको चहलपहल समेत बढेको छ । पुस १७ गते सम्म चल्ने पाच दिने महोत्सब अबधिभर आन्तरिक र बिदेशी गरी झण्डै पाच लाख पर्यटक पोखरा भित्रने अनुमान गरिएको छ ।
सडक महोत्सब अबलोकन संगै अंग्रेजी नयाँ बर्ष मनाउन पोखरा आउने आन्तरिक पर्यटकले यो बेला पोखराको होटल भरिभराउ हुन्छन् । महोत्सबमा सिम्रिक एयरले हेलिकप्टरबाट पोखरा दृष्याबलोकनको समेत ब्यबस्था मिलाएको छ । त्यस्तै अल्ट्रालाईट कम्पनीले पनि पुष २६ गते सम्मको लागि स्वदेशीलाई ३० र बिदेशीलाई १५ प्रतिशत छुटको ब्यबस्था मिलाएको छ ।
महोत्सबमा स्टल राखेका कुनैपनि रेष्टुरेण्टले चर्को शुल्क असुलेमा खबर गर्न रेवानले आग्रह गरेको छ । तोकिएको भन्दा बढी शुल्क लिने रेष्टुरेण्टमाथि कारबाही गरिने रेवान पोखराका अध्यक्ष गोपी बहादुर भट्टराईले जानकारी दिए ।
त्यस्तै महोत्सब अबधिभर कुनै पनि होटलले कोठा भाडामा चर्को मुल्य लिएमा जानकारी गराउन पश्चिमाञ्चल होटल संघले आग्रह गरेको छ । यसअघिका महोत्सब र नयाँ बर्षमा पोखरा आउने पर्यटकले होटल र रेष्टुरेण्टले चर्को मुल्य असुलेको गुनासो गरेपछि कडाई गरिएको हो ।
