Breaking News:

पोखरा १७ मा पनि एमाले प्यानलनै विजयी
पोखरा १९ मा एमालेका शोभामोहन पौडेल सहितको प्यानल विजयी
पोखरालाई नमुना सहर बनाउछु ,सबैको साथ चाहिन्छ : श्रेष्ठ
अग्रज पर्यटन व्यबसायी सुन्दरकुमार श्रेष्ठ उपत्यका नगर बिकास समितिको अध्यक्षमा नियुक्त
सीम गुरुङ पोखरा २० को अध्यक्ष निर्वाचित,सरकारी तलब वडाकै विकासमा खर्चिने
पोखरा महानगरमा स्थगित मतगणना ४६ घण्टापछि सुरु
पोखराको स्थगित मतगणना सुरु गर्न सर्वदलिय बैंठक जारी
पुन: निर्वाचन गराउन माग गर्दै असन्तुष्ट दलको ज्ञापनपत्र, ‘कानुन विपरितको निर्वाचन’ वदर गर्न माग
प्रतिनिधिहरु नआएपनि हुन्छ : मुख्य निर्वाचन अधिकृत (बिज्ञप्ती सहित )
असन्तुष्ट दलका प्रतिनिधि विना पनि मतगणना सुरु गर्ने तयारी (आयोगको पत्र सहित)

पोखरामै पहिलो सिजनेवल इन्डोर स्विमिङ पुल सहित ‘द कुटी रिर्सोट’ (भिडियो सहित)

301
kuti

गोकुल बानियाँ , पोखरा ६ पुस । पोखरामै पहिलो पटक मौषम अनुसार तातो चिसो पानीको ब्यवस्था भएको सिजनेवल इन्डोर स्विमिङ पुल सहितको रिसोर्ट सञ्चालनमा आएको छ । पोखरा ६ लेकसाइड स्थित बाराही मार्गमा भित्रै तातो चिसो पानीको सुविधा भएको ‘द कुटी रिसोर्ट’ सञ्चालनमा आएको हो ।

झण्डै साढे दुई बर्ष लगाएर निर्माण गरिएको रिसोर्टको एउटा भवन पूर्ण रुपमा सञ्चालनमा आएको छ भने अर्को भवन निर्माणको क्रममा छ । गत लक्ष्मीपूजाको दिनबाट रिसोर्टको इन्डोर स्विमिङ पुल सहित २८ वटा कोठा, रेष्टुरेन्ट र सेमिनार हल सञ्चालनमा ल्याइएको हो ।

हाल सञ्चालनमा रहेका २८ रुम मध्ये एउटा स्विट रुम हो भने २७ वटा डिलक्स रुम हुन् । सञ्चालक देबेन्द्र केसीका अनुसार निर्माणाधिन अर्को भवन सम्पन्न भएपछि कुल ५० रुम हुनेछ । आगामी बैशाख पहिलो साता सम्ममा पूर्ण रुपमा सञ्चालनमा ल्याउने भनिएको रिसोर्टमा १० वटा स्विट रुम र ४० वटा डिलक्स रुम हुनेछन् ।

हाल सञ्चालनमा आएको सिजनेवल इन्डोर स्विमिङ पुल पोखरामै पहिलो भएको सञ्चालकको दावि छ । रिसोर्ट भित्रै मौषम अनुसार तातो, चिसो पानीको ब्यवस्था सहितको स्विमिङ पुलमा एकसाथ झण्डै ३० जनाले पौडन सक्नेछन् । स्विमिङ पुलको गहिराई साढे ४ देखि साढे पाँच फिट सम्मको छ ।

रिसोर्टका सबै कोठामा मिनीवारको सुविधा छ भने प्रत्येक कोठाको आ आफ्नै बाल्कोनी छन् । जहाबाट हिमाली श्रृङखला , फेवाताल, शान्ति स्तुपा, सराङकोटको दृष्य देख्न सकिन्छ । ‘आगामी बैंशाख सम्ममा रिसोर्ट पूर्ण रुपमा सञ्चालनमा ल्याउने लक्ष्य हो, ’ सञ्चालक केसीले भने ‘सबै सञ्चालनमा आएपछि रुमको संख्या ५० पुग्नेछ जस मध्ये १०वटा स्विट र ४० डिलक्स हुनेछ । ’ रिसोर्टको १६ वटा कोठाबाट सुतेरै हिमाल देख्न सकिने केसीले बताए । रिसोर्टमा हाल नेपालीलाई डिलक्स रुमको ४५ सय र स्विट रुमको १५ हजार रुपैया मुल्य तोकिएको छ भने विदेशीका लागि डिलक्स रुमको ७५ सय रुपैया तोकिएको छ । यो रकममा ब्रकफाष्टको सुविधा छ ।

रिसोर्टमा हाल डेढ सय जना क्षमताको रेष्टुरेन्ट र झण्डै दुई सय जना क्षमताको सेमिनार हल तयार सञ्चालनमा छ । रेष्टुरेन्टबाट रिसोर्टमा बस्ने पाँहुनालाई २४ सै घण्टा प्रदान गर्न सकिने र सबै प्रकारका खानाको ब्यवस्था रहेको अपरेशन म्यानेजर सुमितजंग अधिकारीले बताए ।

रिसोर्ट अपाङ्गता भएका ब्यक्ति तथा बृद्धबृद्धा र वालवालिकाको लागि सुविधायुक्त छ । रिसोर्टको रेष्टुरेन्टमा जान तथा कोठामा जान आउनका लागि लिफ्टको ब्यवस्था गरिएको छ । त्यस्तै रिसोर्ट प्रवेश गर्ने स्थानमा सेन्सर डोर राखिएको छ ।

‘तीन तारे होटलमा पाइने सुविधाहरु स्विमिङ पुल, स्पा, साउना, मसाज, हेल्थक्लब एबं ट्राभल डेक्स आउने बैंशाख सम्ममा दिने तयारीमा छौ ’ सञ्चालक केसीले भने । उनका अनुसार रिसोर्टमा हाल सम्म झण्डै ३५ करोड रुपैया लगानी भएको छ ।

रिसोर्टका पाहुनाको लागि पर्याप्त पार्किङ सुविधा पनि भएको र विमानस्थल तथा बसपार्क सम्म आउन जानका साथै पोखरा दृष्यावलोकनका लागि गाडीको ब्यवस्था समेत रहेको सञ्चालकले बताए ।

Leave a reply

Your email address will not be published. Required fields are marked *

Find us on Facebook