पोखरा, २५ पुस
राष्ट्रिय एकताका प्रतिक पृथ्वीनारायण शाहको २९६ औँ जयन्ती तथा एकता दिवस कास्कीमा विभिन्न कार्यक्रम गरि मनाईने भएको छ ।
पृथ्वी जयन्ती तथा राष्ट्रिय एकता दिवस मूल समारोह समिति कास्कीले पुस २७ गते अल्ट्रालाईट उडानद्धारा पृथ्वीनारायण शाहको तस्विर र नेपालको झण्डाको साथमा हेलिकष्टरवाट पोखराको आकासमा पुष्प वृष्टि सहित परिक्रमा गरिने कार्यक्रम संयोजक शंकर खरालले जानकारी दिए ।
सोही दिन विहान ८ बजे मानवअधिकारचोकमा प्रभातफेरी र ९ बजे पृथ्वीचोकमा सभा तथा तस्विरमा माल्यार्पणको कार्यक्रम रहेको मूल समारोह समितिका सचिव अशिलकुमार शाहीले वताए ।
