पोखरा २२ कार्तिक । वाम गठवन्धनले कास्कीको माछापुच्छ्रे गाउँपालिकामा पार्टी एकता संयोजन समिति गठन गरेका छन् ।
वुधवार दुवै पार्टीको गाउँपालिकास्तरिय भेलाले नेकपा एमालेका जगन्नाथ वास्तोला संयोजक र माओवादी केन्द्रका टेकनाथ गौतम सहसंयोजक रहेको संयोजन समिति गठन भएको हो । समितिमा विष्णु केसी, कर्णवहादुर गुरुङ,वैकुण्ठ भण्डारी र शिवप्रसाद पोखरेल सदस्य छन् ।
त्यस्तै भेलाले दुवै पार्टीका गाँउपालिकाका वडाहरुमा रहेका कमिटिका सदस्यहरु तथा त्यस क्षेत्रमा कार्यरत जिल्ला सदस्यहरु सहभागि रहेको निर्वाचन परिचालन कमिटि समेत गठन गरेको छ । जसको संयोजकमा जगन्नाथ वास्तोला र सहसंयोजक टेकनाथ गौतम छन् ।
भेलाले गठवन्धनका उम्मेदवारहरु प्रतिनिधिसभा तर्फ जगत विश्वकर्मा र प्रदेश सभातर्फ प्रदेश सभा १ का उम्मेदवार रामजी वराल(जिवन)लाई विजयी गराउन गाउँपालिकाको सम्पूर्ण शक्ति चुनावमा केन्द्रीत गर्ने निर्णय समेत गरेको छ । त्यस्तै चुनाव प्रचार प्रसार समितिमा विष्णुवहादुर केसी संयोजक र रामचन्द्र अधिकारी सहसंयोजक छन् । युवा परिचालन उपसमितिमा रुमवहादुर गुरुङ संयोजक र केदार अधिकारी सहसंयोजक छन् ।
भेलाको प्रमुख अतिथि एमाले क्षेत्र नं ३ का संयोजक विष्णुवहादुर केसीले देशमा विकास र समृद्धिको लागि दुवै पार्टीहरु मिलेर चुनावमा सहभागि भएको निर्वाचन पछि एउटै पार्टी भन्ने भनाई राखे । देशको विकास र राजनीतिक स्थिरताको लागि वाम गठवन्धनलाई जिताउनु पर्ने भनाई केसीको छ । एमाले नेता दलवहादुर गुरुङको अध्यक्षतामा भएको कार्यक्रममा एमाले क्षेत्र नं ३ का निर्वाचन परिचालन कमिटिका सहसंयोजक दिपक पौडेल, माओवादी केन्द्रका गाउँपालिकाका अध्यक्ष नवराज भण्डारी माओवादी नेत्री प्रविना अधिकारी लगायतले वाम गठवन्धनको आवश्यकता र चुनावी अभियानको वारेमा भनाई राखेका थिए ।
