नेपालमै पहिलोपटक पोखरामा दृष्टिविहिन एकल गायन प्रतियोगिता हुदै

45
blind-solo-singing

गोकुल बानियाँ , पोखरा २७ पुस । नेपालमै पहिलो पटक पोखरामा दृष्टिविहिनहरुको विचमा एकल गायन प्रतियोगिता हुने भएको छ । रोटरी क्लब अफ पोखरा अन्नपूर्ण, रोट्रयाक्ट क्लब अफ अन्नपूर्ण र रोट्रयाक्ट क्लब अफ हेमजाको संयुक्त आयोजनामा आगामी माघ १ गते पोखरामा दृष्टिविहिनहरुको विचमा एकल गायन प्रतियोगिता आयोजना गर्न लागिएको हो ।

बुधवार पत्रकार सम्मेलन मार्फत दिइएको जानकारी अनुसार प्रतियोगितामा कास्की जिल्लाभरका बढीमा २० जना दृष्टिविहिनले सहभागीता जनाउन पाउनेछन् । नेत्रहिन संघ कास्कीका अध्यक्ष लक्ष्मण सुवेदीले लोक तथा आधुनिक गीतमा एकल गायन प्रतियोगिता गर्न लागिएको जानकारी दिए । उनका अनुसार प्रतियोगिले आफुले गाउने गीत ट्रयाकमा गाउन चाहे पनि पाउने र लाइभ संगीतमा गाउन चाहेपनि सोहि अनुसारको ब्यवस्था हुनेछ ।

प्रतियोगितामा पहिलो हुनेले १० हजार, दोस्रो हुनेले सात हजार, तेस्रो हुनेले पाँच हजार र सान्तोना स्थान प्राप्त गर्नेले तीन हजार रुपैया पुरस्कार प्राप्त गर्ने कार्यक्रम संयोजक भानु भण्डारीले जानकारी दिए । प्रतियोगिताको निर्णायकमा संगीतकार नवराज वराल, सुकु हिराचन र जुना क्षेत्री रहनेछन् । प्रतियोगितालाई थ्रि सिस्टर्स एड्भेन्चर ट्रेकिङ्ग कम्पनीले मुख्य प्रयोजन गरेको छ । प्रतियोगिता सम्पन्न गर्न एक लाख ६० हजार रुपैया खर्च अनुमान गरिएको छ ।

दृष्टिविहिनमा कला र गला भएर पनि अवसर नपाएकालाई यो प्रतियोगिता अघि बढ्ने माध्यम बन्ने विश्वास लिइएको छ । रोटरी क्लब अफ पोखरा अन्नपूर्णका अध्यक्ष लक्की कार्की क्षेत्रीले रोटरी क्लबले रोटरी मानविय सेवा अन्तर्गत दृष्टिविहिनहरुको प्रतिभा प्रष्फुटन गराउन प्रतियोगिता आयोजना गर्न लागेको बताइन् । दृष्टिविहिन कलाकारको क्षमता विकास गराउने तथा उनीहरुमा आत्मविश्वास बढाउदै समाजमा सम्मानित जीवनयापनका लागि सघाउन पनि प्रतियोगिताको आयोजना गरिएको उनले स्पष्ट पारिन् ।

Leave a reply

Your email address will not be published. Required fields are marked *

Find us on Facebook