Breaking News:

उच्च अदालत पोखराको मुख्य न्यायधीसमा पुरुषोत्तम भण्डारीको सपथ (कहाँ को नामावली सहित )
अब एसियाली मापदण्डको अत्याधुनिक बस पोखरामै तयार हुने (भिडियो सहित)
पोखरामा इन्टरनेट र केवल टिभी भित्र्याउने ब्यक्ति रहेनन्
पोखराको सिर्जनाचोकमा ट्रकको ठक्करले ४ बर्षीय वालिकाको ज्यान गयो
तीन महिना भित्र पोखराको चोक–चोकमा ‘स्मार्ट ट्राफिक आइल्याण्ड’
१५ औं आहा ! रारा गोल्डकपको तयारी पूरा, विजेतालाई ५ लाख
पोखरा उप–महानगरपालिको बजेट १ अर्व २८ करोड (नयाँ नीति तथा कार्यक्रमको पूर्णपाठ सहित )
फेवाताल संरक्षणको लागि १ करोड वजेट, ताल किनारको अतिक्रमण हटाइने
फलोअप : पोखरामा दर्जन युवतीसहित पुरै घर भाडामा लिएर निर्धक्क यौन व्यवसाय
पोखराको नयाँ योजना : फ्लाई ओभर सडक देखि सेती फिर्के करिडोरसम्म (भिडियो सहित )

१५ औं आहा ! रारा गोल्डकपको तयारी तिब्र

68
tayari

गोकुल बानियाँ , पोखरा १८ पुस । आगामी माघ ४ देखि सुरु हुने १५ औं आहा ! रारा गोल्डकपको तयारी तिब्र पारिएको छ । माघ १५ गतेसम्म चल्ने प्रतियोगिताको लागि आयोजक सहारा क्लबले मैदान मर्मत गरिरहेको छ ।

पोखरा रंगशाला स्थित मैदानमा पानी हाल्ने, प्यारापिट मर्मत, सरसफाई लगायतको काम जारी रहेको आयोजकले जनाएको छ । प्रतियोगिताको लागि गठित मुल आयोजक समिति र विभिन्न उपसमितिले आ आफ्नो तयारी तिब्र पारेका छन् ।

प्रतियोगितामा सहभागी टिमको टुङ्गो लगाउने काम पनि अन्तिम चरणमा पुगेको र केहि दिनमा औपचारिक जानकारी गराउने क्लबले जनाएको छ । मोफसलकै प्रतिष्ठित फुटबल प्रतियोगिताको रुपमा स्थापित आहा ! रारा कपको १५ औं संस्करणमा तीन विदेशी सहित १२ टिमले सहभागीता जनाउने क्लबका महासचिव केशब राज बरालले जानकारी दिए ।

football-tayariप्रतियोगितामा विदेशी तीन, विभागिय तीन टिम सहित आयोजक एक र पाँच वटा ए डिभिजन क्लब सहित १२ टिमले प्रतिश्पर्धा गर्नेछन् ।

अहिलेसम्म अमेरिकामा बस्ने नेपालीको टिम, विभागिय तीन टिम, मनाङमस्र्याङदी र आयोजक टिमको टुङ्गो लागिसकेको छ । विदेशी टिममा बंगलादेश, भुटान र भारतीय टिमसँग कुरा भैरहेको र एक दुई दिन भित्र सहभागी सबै टिमको टुङ्गो लाग्ने प्रचार समितिका सुदर्शन रञ्जितले जानकारी दिए ।

पोखरा रंगशालामा सञ्चालन हुने प्रतियोगिता सम्पन्न गर्न ८२ लाख ९२ हजार रुपैया खर्च लाग्ने र एक करोड ७ लाख ८२ हजार रुपैया आम्दानीको अपेक्षा गरिएको छ । प्रतियोगितालाई हिमश्री फुड्सको उत्पादन आहा तथा रारा तयारी चाउचाउले मुख्य प्रायोजन गरेको छ ।

प्रतियोगितामा यो बर्ष पनि एक जना भाग्यमानी दर्शकले एक तोलाको सुनको औठी पुरस्कार प्राप्त गर्ने भएका छन् । अघिल्लो बर्ष एक तोला सुनको सिक्का प्रदान गरेको सहारा हङकङले यो बर्ष पनि एक तोला बराबरको सुनको औठी प्रदान गर्न लागेको छ ।

बार्षिक रुपमा आयोजना हुदै आएको प्रतियोगिताबाट बचत भएको रकमबाट क्लबले पोखरा १७ दोबिल्लामा सहारा एकेडेमी सञ्चालन गर्दै आएको छ । एकेडेमीमा हाल १६ जिल्लाका २८ वालकहरु सम्पूर्ण सुविधाका साथ फुटवल प्रशिक्षण लिइरहेका छन् ।

Leave a reply

Your email address will not be published. Required fields are marked *

Find us on Facebook