Breaking News:

पोखरा १७ मा पनि एमाले प्यानलनै विजयी
पोखरा १९ मा एमालेका शोभामोहन पौडेल सहितको प्यानल विजयी
पोखरालाई नमुना सहर बनाउछु ,सबैको साथ चाहिन्छ : श्रेष्ठ
अग्रज पर्यटन व्यबसायी सुन्दरकुमार श्रेष्ठ उपत्यका नगर बिकास समितिको अध्यक्षमा नियुक्त
सीम गुरुङ पोखरा २० को अध्यक्ष निर्वाचित,सरकारी तलब वडाकै विकासमा खर्चिने
पोखरा महानगरमा स्थगित मतगणना ४६ घण्टापछि सुरु
पोखराको स्थगित मतगणना सुरु गर्न सर्वदलिय बैंठक जारी
पुन: निर्वाचन गराउन माग गर्दै असन्तुष्ट दलको ज्ञापनपत्र, ‘कानुन विपरितको निर्वाचन’ वदर गर्न माग
प्रतिनिधिहरु नआएपनि हुन्छ : मुख्य निर्वाचन अधिकृत (बिज्ञप्ती सहित )
असन्तुष्ट दलका प्रतिनिधि विना पनि मतगणना सुरु गर्ने तयारी (आयोगको पत्र सहित)

लोडसेडिङ हटाएकोमा उर्जामन्त्रीलाई होटल संघको सम्मान

63
????

पोखरा १५ पुस । पश्चिमाञ्चल होटल संघ पोखराले उर्जामन्त्री जनार्दन शर्मालाई शुक्रबार पोखरामा सम्मान गरेको छ । लोडसेडिङ हटाउने अभियानमा महत्वपूर्ण भूमिका खेलेको भन्दै मन्त्री शर्मा र नेपाल विद्युत प्राधिकरणका कार्यकारी निर्देशक कुलमान घिसिङलाई संघ र समग्र पर्यटन व्यवसायीको तर्फबाट सम्मान गरिएको संघका अध्यक्ष भरतराज पराजुलीले जानकारी दिए ।

सम्मान कार्यक्रममा बोल्दै मन्त्री शर्माले काठमाडौं उपत्यका जस्तै देशै भरि लोडसेडिङ मुत्त गर्ने अभियानमा मन्त्रालय र समग्र प्राधिकरण लागेको जानकारी दिए । उनले घोषणा नभए पनि पोखरामा समेत लोडसेडिङ नभएको बताए । नेपाल छिटै भारतबाट विद्युत आपूर्ति गर्ने नभई यही आबश्यक मात्रा उत्पादन गरेर विजुलीमा आत्मनिर्भर बन्ने पनि उनले बताए ।

जनताकै लगानीमा ठूला आयोजना निर्माण गर्न योजना बनाउने काममा समेत उर्जा मन्त्रालय लागेको उनले मन्त्री शर्माले सुनाए । यो अभियानलाई आफूहरुले उज्यालो नेपाल तिरको यात्रा नाम दिएको उनले बताए ।

कसैले दबाव दिंदैमा मुद्दा हाल्दैमा आफू नेपाललाई उज्यालो बनाउने अभिायनबाट पछि नहट्ने भन्दै कतिपय क्षेत्रबाट घुस खाएको आरोप आफूमाथि लगउँदै आए पनि त्यसले आफूलाई केही फरक नपर्ने भनाई उनको थियो । यो सरकार परिवर्तन भएर आफू मन्त्री नरहे पनि प्राधिकरणमा एउटा प्रणाली बसाएर आफू बाहिरिने उनले विश्वास दिलाए ।

कार्यक्रममा बोल्दै कार्यकारी निर्देशक घिसिङले नेपालमा लोडसेडिङ मुक्त अभियान संचालनमा आफू एक्लैको नभई मन्त्री लगायत मन्त्रालय र प्राधिकरणको ठूलो भूमिका रहेको बताए । इच्छाशक्ति र दृढता भए राम्रा काम गरेर देखाउन सकिने भनाई उनको थियो ।

संघका अध्यक्ष पराजुलीले लोडसेडिङ हट्दा राष्ट्रको अर्बौं रुपैयाँ बचत भएको र जेनेरेटर नचल्दा प्रदूषण पनि न्युन हुन पुगेको भनाई राखे । मन्त्री शर्मा र समग्र प्राधिकरणको अभियानमा आफूहरु साथ दिन तयार रहेको उनले बताए ।

कार्यक्रममा राष्ट्रिय पर्यटन परिषद्का सदस्य बासुदेव त्रिपाठी, नेपाल पर्यटन बोर्डका पूर्व सदस्य अग्नी कँडेल, पीटीआरसीका संयोजक गणेशबहादुर भट्टराई, संघका सल्लाहकारहरु गोविन्दराज पहारी र लक्ष्मी बहादुर भट्टराई, पोखरा पर्यटन परिषद्का अध्यक्ष सोमबहादुर थापा, टान पश्चिमाञ्चलका अध्यक्ष दीपक राज अधिकारी, नाट्टा पोखराका अध्यक्ष दिलु गौतम, रेवान पोखराका पूर्व अध्यक्ष गोपिवहादुर भट्टराई, टेसा पोखराका अध्यक्ष नारायणप्रसाद सुवेदी र एगा पोखराका तर्फबाट पनि भनाई राखिएको थियो । कार्यक्रमको संचालन संघका महासचिव भेकेन्द्रकुमार श्रेष्ठले गरेका थिए ।

Leave a reply

Your email address will not be published. Required fields are marked *

Find us on Facebook