Breaking News:

पोखरा महानगरको प्रमुखमा मान बहादुर जिसी र उप प्रमुखमा मञ्जु गुरुङ विजयी
पोखरा ३१ मा पनि एमाले प्यानल सहित विजयी (मतपरिणाम सहित )
पोखरा ३० मा पनि एमालेको प्यानल विजयी (मत परिणाम सहित )
पोखरामा अन्तिम परिणाम आउनुअघिनै कांग्रेस उम्मेदवार रामजी कुँवरद्वारा हार स्वीकार
पोखराको १ देखि २९ सम्म कुन वडामा कसले जिते (नामावली र मत सहित)
पोखरा २७ मा काग्रेस प्यानल विजयी
पोखराको मेयर र उपमेयर एमालेले जित्ने सुनिश्चित, ११ हजार भन्दा बढीको अग्रता
पोखरा २८ मा पनि एमाले प्यानल सहित विजयी
पोखरा २६ मा पनि प्यानल सहित आयो एमाले (मत परिणाम सहित )
पोखरा २९ मा एमालेका चेत बहादुर गुरुङ सहितको प्यानल विजयी

अब मापसे गरे ठाउँको ठाउँ बाइकको स्टार्ट बन्द हुने, ट्राफिक प्रहरी कार्यालय, कास्कीको परिक्षण सफल

1471
4-1

युवा आविष्कारक विकल्प ढुंगानाले मोटरबाइक र स्कुटरमा नयाँ प्रविधिको आविष्कार गरेको दावि गरेका छन् । शुक्रबार पोखरामा आयोजित एक पत्रकार सम्मेलनमा उनले हेलमेट नलगाएको र मापसे गरेको खण्डमा दुई पांग्रे सवारी साधन आँफै रोकिने प्रविधिको प्रदर्शन गरे ।

यस अघि नै उनको यो प्रविधिलाई ट्राफिक प्रहरी कार्यालय कास्कीले परिक्षण गरेर प्रमाणित पनि गरिसकेको छ । एक हप्ता विभिन्न चरणमा गरिएको परिक्षणले उनले भने जस्तै नतिजा दिएको पत्रकार सम्मेलनमा उपस्थित असई राजेश थापाले बताए ।

उनको प्रविधिको परिक्षण पश्चात ट्राफिक प्रहरी कार्यालय कास्कीका प्रमुख विश्वराज अधिकारीले औपचारिक रुपमा नै परिक्षण सफल भएको जनाएका छन् । कार्यक्रममा बोल्दै ढुंगानाले आफ्नो साभाष नामक यो प्रविधिमा हेलमेटमा दुई थरी डिटेक्टरहरुको प्रयोग गरिएको बताए । उनको यो प्र्रविधिले सडक दुर्घटना न्युनिकरणमा उल्लेख्य भूमिका खेल्ने विकल्पको दावि छ ।

traffic-letter

त्यस्तै उनी अध्ययनरत पोखरा मल्टीमोडेल कलेजका प्राचार्य कृष्ण केसीले विकल्प जस्ता प्रतिभाहरुलाई पलायन हुनबाट रोक्न सरकारी स्तरबाटै पहल हुनुपर्ने बताए । उता उक्त कलेज कै विज्ञान संकायका प्रमुख डा. चन्द्रबहादुर थापाले उनको प्रविधिलाई जनस्तरमा लैजान विस्तृत अध्ययन गर्नुपर्ने खाँचो औल्याएँ ।

त्यस्तै राष्ट्रिय युवा परिषद कास्कीका अध्यक्ष आशिर्वाद सुवेदीले ढुंगानालाई परिषदले आवश्यक सहयोग गर्ने प्रतिबद्धता व्यक्त गरे । गुरुचेला एजुकेशन नेटवर्कका कार्यकारी निर्देशक सुवास मल्लले पनि यस्ता प्रतिभाहरुलाई प्रवद्र्धन गर्न आफ्नो संस्था निरन्तर लाग्ने बताए ।

तनहुँ मनपाङ घर भइ विगत केही वर्षदेखि पोखरामा बस्दै आएका विकल्पले गत वर्षको युवा प्रतिभा पुरस्कार समेत जितेका थिए । उनले गृहजिल्ला तनहुँ लगायत काठमाडौं, पोखरा जस्ता ठाउँहरुमा समेत आफ्ना आविष्कारहरुको प्रदर्शनी गरिसकेका छन् ।

यस अघि नै उनले हेलिकप्टर, बम डिस्पोजेबल रोवर्ट, भूकम्प सुचक यन्त्र, म्यानुयल लोडिङ्ग एण्ड लिफ्टिङ्ग रोबर्ट, घाँस काट्ने मेसिन, धान ठटाउने रोबर्ट, फुटबल खेल्ने रोबर्ट लगायत डेढ दर्जन यन्त्रहरुको आविष्कार गरिसकेका छन् ।

Leave a reply

Your email address will not be published. Required fields are marked *

Find us on Facebook